Alpınızm jáne sporttyq quzǵa órmeleý federatsııasynyń vıtse-prezıdentteri saılandy
ASTANA. KAZINFORM – Alpınızm jáne sporttyq quzǵa órmeleý federatsııasynyń atqarýshy organy – federatsııa tóralqasynda birqatar ózgerister boldy.
Federatsııa basshylyǵy tóralqaǵa elimizdiń damýyna eleýli úles qosyp júrgen tájirıbeli sport fýnktsıonerlerin, qoǵam qaıratkerleri jáne kreatıvti ındýstrııa ókilderin shaqyrdy.
QR Alpınızm jáne sporttyq quzǵa órmeleý federatsııasynyń jyl saıynǵy esep berý-saılaý konferentsııasynda kún tártibindegi negizgi máselelerdiń biri vıtse-prezıdentter men bas hatshyny saılaý boldy.
Federatsııa olımpıadalyq prıntsıpterdi qoldaıdy jáne uıymnyń baı tarıhı sabaqtastyǵy men dástúrlerin saqtaı otyryp, saılanbaly laýazymdarǵa kandıdattardy saılaýdyń demokratııalyq ádisterin ustanady.
QR Alpınızm jáne sporttyq quzǵa órmeleý federatsııasy tóralqasynyń quramy:
Federatsııa prezıdenti Nursultan Shoqanov – kásipker, qoǵam qaıratkeri. ALATEX kompanııalar tobyn basqarady, Almaty qalasy «Atameken» ÓKP dırektory, Almaty qalasy máslıhatynyń depýtaty;
Birinshi vıtse–prezıdent Erlan Darımov – qoǵam qaıratkeri, kásipker, «Samruk-Kazyna Trust» áleýmettik jobalardy damytý qorynyń burynǵy bas dırektory;
Alpınızm jónindegi vıtse-prezıdent Qazbek Ýálıev – ataqty alpınıst, Everest shyńyna shyqqan alǵashqy qazaq, «Han-Táńiri» halyqaralyq alpınıstik lageriniń bas dırektory;
Sporttyq alpınızm jónindegi vıtse-prezıdent Baǵlan Júnis – qazaqstandyq alpınıst, kásipker;
Damý máseleleri jónindegi vıtse-prezıdent jáne GR Temirjan Ábdirahmanov – «Sport, densaýlyq jáne ekologııa» QB tóraǵasy jáne teń quryltaıshysy, Trıatlon federatsııasynyń burynǵy vıtse-prezıdenti;
PR jáne marketıng jónindegi vıtse-prezıdent Azat Ábiken – prodıýser, kásipker. Forbes «30 under 30» reıtınginiń laýreaty;
Óńirlerdi damytý jónindegi vıtse-prezıdent S.Iskakova – Sporttyq órmeleý boıynsha ulttyq qurama komandasynyń bas bapkeri;
Bas hatshy bolyp QR Týrızm jáne sport mınıstrligi Sport jáne dene shynyqtyrý isteri komıtetiniń «Sportty damytý dırektsııasy» RMQK sporttyq alpınızm boıynsha shtattyq qurama komandasynyń bastyǵy Nursultan Aldonǵarov saılandy.
Búgingi tańda federatsııa tórt sport túrin qamtıdy (sporttyq quzǵa órmeleý, alpınızm, skı alpınızm, muzǵa órmeleý), olardyń eki túri olımpıadalyq (sporttyq quzǵa órmeleý, skı alpınızm). Sońǵy jyldary sport túrlerinen sportshylar sanynyń 2 esege jýyq ósýi baıqalady.
Konferentsııa barysynda Qazaqstan Respýblıkasynyń alpınızm jáne sporttyq quzǵa órmeleý federatsııasynyń prezıdenti Nursultan Shoqanov birqatar basym mindetterdi atap ótti, onyń ishinde: halyqaralyq baılanystardy nyǵaıtý, qazaqstandyq jáne halyqaralyq jarystardy ótkizý sapasynyń standarttaryn arttyrý, ınfraqurylymdy damytý, olımpıadalyq lıtsenzııalardy ıelený, buqaralyq sportty damytý jáne federatsııanyń turaqty damýy.
«Tóralqa komandasy tolyǵymen jabdyqtaldy, bul – Dream Team! Bizde federatsııanyń áleýetin ashý úshin barlyǵy bar: eń keremet sporttyq fýnktsıonerler komandasy, eń myqty sportshylar, úlken jattyqtyrýshylar komandasy, tóreshiler, tolyq aımaqtyq qamtý, tórt sport túri, olardyń ekeýi olımpıadalyq, al alpınızm – ıÝNESKO-nyń mádenı murasy! Bizde tereń dástúrimiz, tájirıbe, qýat jáne shyǵarmashylyq bar! Tóralqa men vıtse-prezıdentterdiń osyndaı myqty quramy – bul bizdiń sportymyzdyń ulttyq sport túrine aınalý áleýeti zor ekendiginiń belgisi jáne federatsııaǵa úlken senim artylyp jatyr! Biz qyzyqty jáne sátti tarıhty jasaýǵa qajet nárseniń bári bar!»- dep atap ótti federatsııa prezıdenti Nursultan Shoqanov.
