Alphabet naryqtyq kapıtaldandyrýy 4 trln dollardan asatyn tórtinshi kompanııa boldy
ASTANA. KAZINFORM – Google-dyń bas kompanııasy Alphabet-tiń naryqtyq quny dúısenbi, 12 qańtarda 4 trln dollardan asty.
Apple kompanııasy Google-dyń Gemini platformasyn jasandy ıntellekt modelderi men kelesi býyn Siri úshin negiz retinde paıdalanatynyn jarııalaǵannan keıin Alphabet aktsııalary dúısenbide 1%-ǵa ósti.
CNBC málimetinshe, aktsııalardyń baǵasy saýda-sattyq jabylarda 331,86 dollardy quraǵan, sol arqyly Alphabet-tiń naryqtyq kapıtalızatsııasy 4 trln dollardan asty.
Osylaısha, Alphabet álemde osy deńgeıge jetken tórtinshi kompanııa boldy.
Ótken jyldyń shilde aıynda Nvidia men Microsoft alǵash ret 4 trln dollarlyq mejeden asyp tústi, al Apple bul belgiden qazan aıynda asyp túsken. Alaıda sodan beri Apple men Microsoft 4 trln dollarlyq mejeden aıtarlyqtaı tómendegen.
Alphabet 2025 jyldy Ýoll-strıttiń eń kóp paıda tapqan kompanııalarynyń qatarynda aıaqtady. Onyń aktsııalary 2025 jyly 65%-ǵa ósti, bul 2009 jyldan bergi eń joǵary ósim boldy.
Tehnologııalyq alpaýyt ótken jyly JI naryǵyna oralý úshin barlyq qajetti komponentterdi jınap, negizgi retteýshi kedergilerdi jeńgennen keıin senimdi ósim kórsetip keledi. Kompanııa qarasha aıynda Nvidia usynystaryna áleýetti balama bolǵan tenzorlyq protsessorlardyń jetinshi býyny, JI úshin mamandandyrylǵan chıpin tanystyrdy. Sodan keıin jeltoqsan aıynda Google joǵary baǵa alǵan Gemini 3-ti tanystyrdy.
OpenAI kompanııasynyń ChatGPT jáne Sora qyzmetteri kóp tutynýshynyń nazaryn aýdaryp jatqanyna jáne JI negizindegi chat-bottar men agentter áleminde onlaın-jarnamanyń bolashaǵyna qatysty alańdaýshylyqtarǵa qaramastan Alphabet óziniń eń jaqsy ınnovatsııalyq kúnderi artta qaldy degen qorqynyshty seıilte aldy.
2025 jyldyq qyrkúıeginde lphabet 3 trln dollardan astam kapıtalızatsııasy bar tarıhtaǵy tórtinshi kompanııa boldy.