Alphabet álemdegi eń baı kompanııa Apple-diń aldyna túsip ketti
ASTANA. QazAqparat - Apple kompanııasy álemdegi eń baı kompanııa ataǵynan birneshe saǵatqa aıyryldy, ony quramyna Google kiretin Alphabet Ins. holdıngi ıemdendi. Atalmysh korporatsııa tórtinshi toqsandy qorytyndylap, qarjylyq boljamyn jarııa etkende aktsııalarynyń baǵasy 6 paıyzǵa ósip ketti.
Birneshe saǵat boıy Alphabet 554 mlrd dollarǵa, al Apple - 534 mlrd dollarǵa baǵalandy, sońǵysynyń aktsııalarynyń baǵasy tómendeı berdi. Sarapshylar kezekti bırja saýdasy bastalǵanda jaǵdaı ózgerýi múmkin dep boljaıdy, biraq Alphabet-tiń pozıtsııasy ózgermeýi de múmkin.
Keıbir sarapshylar holdıng baǵasy 1 trln dollardan asatyn álemdegi birinshi kompanııa bolý múmkindigine ıe dep boljaıdy. Alaıda buǵan deıin de osyǵan uqsas boljamdar Apple-ǵa qatysty aıtylǵan.
Qazirgi kezde sońǵysynyń naryqtaǵy kapıtaly $540 mlrd, Alphabet-tiki - $517 mlrd-ty quraıdy.
Sońǵy ýaqytta Apple smartfondaryna suranys aıtarlyqtaı tómendep ketti, sondyqtan kompanııaǵa jańa ozyq ónim qajet bolyp otyrǵany atap ótilýde. Alphabet bolsa, óziniń izdeý jáne jarnamalyq bıznesin damytýdy úzdiksiz jalǵastyryp keledi.
