Alphabet 3 trln dollardan astam kapıtalızatsııasy bar tarıhtaǵy tórtinshi kompanııa boldy

ASTANA. KAZINFORM – Google-dyń bas kompanııasy Alphabet-tiń kapıtaldandyrýy jasandy ıntellekttiń tanymaldylyǵynyń artýy jaǵdaıynda alǵash ret 3 trln dollardan asty, dep habarlaıdy Reuters.

Kompanııanyń aktsııalary jyl basynan beri 32%-dan astam ósti, bul Amazon, Apple, Microsoft, Nvidia, Tesla jáne Meta kiretin jeti iri tehnologııalyq kompanııadan turatyn «Ǵajaıyp jetilik» dep atalatyn toptyń ishindegi eń jaqsy kórsetkish.

Osylaısha, Alphabet 3 trln dollar belgisine jetip, basqa tehnologııa alpaýyttary Apple jáne Microsoft-qa qosyldy, al JI úshin chıp óndirýshi, álemdegi eń qymbat kompanııa Nvidia-nyń naryqtyq kapıtaldandyrýy 4,25 trln dollar bolyp otyr.

Osy aıdyń basynda AQSh soty Alphabet-ke Chrome braýzeri men Android mobıldi operatsııalyq júıesin baqylaýǵa ruqsat bergennen keıin ınvestorlardyń kóńil kúıi jaqsardy, bul izdeý jáne mobıldi ekojúıelerdegi ústemdigi uzaq ýaqyt boıy baqylaýǵa alynǵan kompanııa úshin betburys boldy.

Eske sala ketsek, 5 qyrkúıekte Eýropalyq komıssııa Google kompanııasyn jarnama almasý quraly AdX arqyly naryqtaǵy ústemdigin teris paıdalanǵany úshin 2,95 mlrd eýro aıyppul tóleýge mindettedi.

Birneshe kúnnen keıin Tramp Google-di qorǵap, Eýroodaqqa jaýapty sharalar qoldanatynyn málimdedi.