Alpaýyt kompanııa júrgizýshisiz elektr kóligin oılap shyǵardy
ASTANA. QazAqparat - Qytaıdyń alpaýyt robot qurastyrýshy Vanke kompanııasy júrgizýshisiz elektr kóligin oılap shyǵardy. Ol belgili bir tapsyrmalardy oryndaýǵa daıyn. Kompanııa qyzmetkeriniń aıtýynsha, kólik kishigirim aýdandarǵa arnalǵan jáne synaqtan jaqsy ótken, dep jazady 24.kz.
Saǵatyna 35 shaqyrym jyldamdyqpen júre alatyn temir tulpardyń ishine 6 adam syıyp ketedi jáne GPS qurylǵysymen jabyqtalǵan. Sondyqtan onyń ózge kóliktermen soqtyǵysyp qalýy múmkin emes. Al kúnnen alynǵan qýat kózi onyń 1 táýlik boıy toqtaýsyz júrýine jetedi. Ornatylǵan shaǵyn radarlar aldyndaǵy kedergini anyqtap, toqtaýyna áser etedi.
Sonymen qatar Vanke kompanııasy robot aspazshylardy shyǵarýdy da qolǵa alǵan. Olar 2017 jyly qonaqúı ashyp, ondaǵy adamdar atqaratyn qyzmettiń barlyǵyn robottarǵa júktemek.
- Bolashaqta bul mashınalardy kishigirim aýdandarda paıdalanýǵa bolady. Ádettegi avtokólikterge qaraǵanda bular qaýipsiz. Munda júrgizýshiniń maýjyrap otyrdy nemese ishimdik iship aldy degen másele joq. Sonymen qatar júrgizýshige tólenetin qarjyny da únemdeýge bolady, deıdi Vanke kompanııasynyń qyzmetkeri Chjan Tszınmın.
