Alpaýyt áýe kompanııasy ereýilge baılanysty 4 myńǵa jýyq reısti toqtatty
ASTANA. QazAqparat - Germanııanyń iri «Lufthansa» áýe kompanııasy ushqyshtardyń ereýiline baılanysty osy aptanyń sońynda óziniń reısteriniń basym bóligine tyıym salynatyndyǵy týraly málimdedi.
Jalpy áýetasymaldaýshy 3800-ge jýyq reısti toqtatty, bul óz kezeginde 420 myńǵa tarta jolaýshynyń saparyn bógeıdi. Josparly ereýildiń úsh kúninde 500 ǵana reıs júzege asyrylmaq.
Atap aıtqanda, nemis áýejaılarynda personaldyń ereýili saldarynan «Lufthansa» 600 reısti toqtatýǵa májbúr bolǵandaryn, mundaı sharaǵa ushqyshtar da daıyndalyp jatqandyǵyn jarııalady.
Olar jalaqyny kóterý men zeınetkerlik jasyna jaqyndaǵan ushqyshtardyń jumys jaǵdaıyn jaqsartý jaıyn talap etýde, dep jazady VVS.
