Aloe shyrynynan úı jaǵdaıynda jasaýǵa bolatyn emdik qospalar
ASTANA. QazAqparat - Aloe - adamdar dárilik maqsatta qoldana bastaǵan alǵashqy ósimdik. Qazirgi zamannyń damyǵanyna qaramastan, onyń tanymaldylyǵy óte joǵary bolyp otyr. Ásirese, medıtsına jáne kosmetologııa salasynda aloe shyryny joǵary suranysqa ıe, dep jazady anabol.kz.
Aloe shyrynynyń paıdasy
Aloe shyrynynyń quramynda bıologııalyq belsendi qospalardyń, mıkroelementterdiń jáne ártúrli dárýmenderdiń kóp bolýyna baılanysty bul shyrynnyń adam aǵzasyna paıdasy mol.
Ol as qorytý bezderiniń sekretsııasyn jaqsartady
Gastrıt, sozylmaly kolıt, enterokolıt, gastroenterıt, jáne as qorytý júıesine baılanysty basqa da kóptegen aýrýlardy emdeıdi.
Ol aǵzanyń qorǵanysyn qalpyna keltirip, jalpy ál-aýqatyn jaqsartady.
As qorytýdy qalypqa keltirip, qyshqyl reflıýks sımptomdaryn joıýǵa kómektesedi
Aloe shyrynymen emdelý
1) Kóptegen teri aýrýlary kezinde, jazylýy qıyn jaralarǵa, oıyq jaralardy emdeýde aloe shyryny qoldanylady. Ol úshin: aloe shyrynymen baldy teń mólsherde alyp, oǵan 1 as qasyq spırt qosyp aralastyramyz. Dári daıar. Bul qospany sterıldi tańǵyshtar astynda kúnine eki ret jaralanǵan jerge jaǵý kerek. Ony tońazytqyshta saqtaý qajet. Aloe shyryny dermatıt, kúıikter, trofıkalyq oıyqtar, ekzemaǵa qarsy áser etedi. Ony kúnine eki ret qoldanǵan jón.
2) Aloe shyrynymen bronh demikpesi jáne dızenterııany emdeýge bolady. Osy keleńsizdikterden qutylý úshin: jarty shaı qasyq bal jáne teń mólsherde sútpen aloe shyrynyn qosyp, tamaqtanýdan jarty saǵat buryn ishý kerek. Bul dárini kúnine 3 ret, jáne 3 apta qabyldaý qajet. Sodan soń, 14 kún demalyp emdi qaıta bastaý qajet.
3) Immýndyq júıeni nyǵaıtý úshin jańa syǵylǵan 150 gramm aloe shyrynyna, 300 gramm qyzyl sharap jáne 1 staqan bal qosyp aralastyramyz. Qospany 1 apta tońazytqyshta saqtap, sodan soń, tamaqtanar aldynda kúnine úsh ret bir as qasyqtan qoldanyńyz.
4) Shashtyń túsýinen saqtaný úshin, aloe shyrynymen baldy aralastyryp, oǵan týralǵan sarymsaq qosamyz. Barlyǵyn aralastyramyz. Dári daıar. Osy qospany zaqymdanǵan jerge jaǵyp, 15 mınýt ustaıdy.
