Almurt - eń paıdaly jemistiń biri
ASTANA. QazAqparat - Dıetologtar almurttyń paıdalylyǵy jaıynda sırek aıtady. Al almurtta antıoksıdant, flavonoıd mol eken. Bul rette onyń quramynda maı, holesterın joq, ortasha nárli, dep jazady Medical News Today.
Mamandardyń aıtýynsha, durys tutynǵan jaǵdaıda almurt salmaq túsirýge, obyr, gıpertonııa, sýsaq, júrek aýrýy táýekelderin tómendetýge yqpal etedi.
Bir almurtta 101 kalorııa, 27 gramm kómirsý, 1 gramm aqýyz bar. Ol kúndik qajettilikte S dárýmeniniń 12%-yn, K dárýmeniniń 10%-yn, kalııdiń 6%-yn qamtamasyz etedi, sondaı-aq onyń quramynan kaltsıı, temir, magnıı, rıboflavın, V6 dárýmeni jáne folotty tabýǵa bolady.
Almurttyń nárliligin esten shyǵarýǵa bolmaıdy. Ol as qorytý júıesin jaqsartady, ımmýndyq júıeni retteıdi, salmaq túsiredi. Nárlilik júrek-qan tamyrlarynyń júıesin jaqsartady, qantty rettep, deneden ýytty zattardy shyǵarady. Onyń shyryndylyǵy (84 paıyz sý) barlyq júıeniń jaqsy jumys isteýine múmkindik beredi.
