Álimhanuly men Banktiń tıtýldyq jekpe-jeginiń ótetin orny men ýaqyty naqtylandy
ASTANA. KAZINFORM — Qazaqstandyq boksshy Jánibek Álimhanuly men dat sportshysy ıAkob Bank arasyndaǵy WBO tujyrymy boıynsha álem chempıony tıtýly úshin ótetin jekpe-jektiń merzimi naqtylandy, dep habarlaıdy INFORMSPORTS.
Ekinshi orta salmaqtaǵy bos turǵan belbeý úshin bolatyn bul aıqas bastapqyda jeltoqsanda ótedi dep habarlanǵan. Alaıda kóp ótpeı 2027 jyldyń qańtar aıyna aýystyryldy.
«The Ring» basylymynyń ınsaıderi Maık Koppındjer ıAkob Banktiń menedjeri Spenser Braýnǵa silteme jasap, bul aqparatty naqtylady. Jekpe-jek Danııa astanasy Kopengagende uıymdastyrylady.
Esterińizge sala keteıik, Jánibek Álimhanuly buǵan deıin 2025 jyldyń sáýir aıynda Astanada rıngke shyǵyp, frantsýz Anaýel Ngamıssengeni nokaýtqa túsirgen bolatyn. Al onyń qarsylasy ıAkob Bank byltyr 25 shildede Jıddada (Saýd Arabııasy) brıtandyq Pavel Avgýstynıkti jeńgen edi.
Budan buryn Jánibek Álimhanuly men ıAkob Bank álem chempıony belbeýi úshin jekpe-jek ótkizýge keliskenin jazǵanbyz.
