Álimhan Syzdyqov Parıj Olımpıadasynyń shırek fınalyna shyqty

 PARIJ. KAZINFORM — Frantsııa astanasy Parıj qalasynda ótip jatqan Olımpıada oıyndarynda grek-rım kúresinen qazaq balýandary arasynan Álimhan Syzdyqov el namysyn qorǵady.

130 keli salmaqta shyqqan otandasymyz alǵashqy kezdesýinde 2022 jylǵy álem chempıonatynyń qola júldegeri rýmyn balýany Alın Aleksýk-Chýrarıýmen kúresti.

Asa tartysty ótken beldesý nátıjesinde Syzdyqov qarsylasyn 3:1 esebimen utyp, shırek fınalǵa shyqty.

Esterińizge sala keteıik, Frantsııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi. Oıyndarǵa álemniń 205 elinen 10 500 sportshy qatysyp jatyr. Olımpıadashylar 32 sport túrinen 329 medal jıyntyǵyn sarapqa salyp jatyr.

Parıj Olımpıadasynda búgin, ıaǵnı 5 tamyz kúni qazaqstandyq sportshylar stend atý, jeńil atletıka, grek-rım kúresi sekildi 3 jarys túrinen baq synaýda.