Almazbek Atambaev jańa án shyǵardy
ASTANA. QazAqparat - Qyrǵyz Respýblıkasynyń Prezıdenti Almazbek Atambaevtyń qyrǵyzsha «Enekem» degen áni shyqty, dep habarlaıdy «Kabar» agenttigi.
YouTube vıdeohostıngide jarııa etilgen Almazbek Atambaevtyń «Enekem» ániniń jańa klıpinde anaǵa degen mahabbat jyrlanǵan. Qazir vıdeorolıkti tamashalaýshylar sany artýda.
Aıta keterligi, bul Qyrǵyz basshysynyń oryndaǵan altynshy áni. Buǵan deıin «Birtúrli sózder», «Taǵdyrǵa ereges», «Men sensiz ómir súre almaımyn», «Meniń ólgim kelmeıdi» oryssha jáne «Qyrǵyzstanym» qyrǵyz tilindegi ánderi shyqqan.
