Almazbek Atambaev resmı túrde Qyrǵyzstan prezıdenti bolyp jarııalandy
ShKEK. 12 qarasha. QazAqparat /Arnur Rahymbekov/ - Ústimizdegi jyldyń 30 qazanynda Qyrǵyzstanda ótkizilgen prezıdenttik saılaýdyń resmı nátıjeleri belgili boldy.
Almazbek Atambaev Qyrǵyzstan prezıdenti bolyp saılandy. Bul týraly QR Ortalyq saılaý komıssııasynyń tóraǵasy Tuıǵynaaly Ábdiraıymov habarlady.
Saılaýdyń resmı nátıjelerine saı, A.Atambaev saılaýshylardyń 62,52 paıyz daýysyn, Adahan Madýmarov 14,78 paıyzyn, Kamchybek Tashıev 14,32 paıyzyn ıelendi.
12 qarashada ótkizilgen óz otyrysynda OSK aımaqtyq saılaý ýchaskeleri usynǵan hattamalar málimetteri negizinde Qyrǵyzstan prezıdentin saılaýdyń nátıjeleri týraly hattamany qabyldap, bekitti.
Hattamaǵa sáıkes, respýblıka saılaýshylarynyń 62,52 paıyz daýysyn jınaǵan Almazbek Atambaev Qyrǵyzstan prezıdenti bolyp saılandy. Otyrysta A.Atambaevty Qyrǵyzstan prezıdenti retinde tirkep, oǵan tıisti kýálik pen aıyrmalyq belgilerdi berý týraly sheshim qabyldandy. Hattamaǵa Ortalyq saılaý komıssııasynyń barlyq múshesi qol qoıdy.
