Almazbek Atambaev: Prezıdent saılaýy kezinde elde eshqandaı da búlik bolmaıdy
ASTANA. QazAqparat - Aǵymdaǵy jyldyń kúz mezgilinde ótetin prezıdent saılaýy kezinde elde búlik salý sııaqty tártipsizdikter bolmaıdy. Bul týraly búgin Qyrǵyzstan Prezıdenti Almazbek Atambaev jýrnalısterdiń suraqtaryna jaýap bere otyryp habarlady, dep jazdy kabar.kg.
Memleket basshysy erekshe atap ótkendeı, eldegi jaǵdaıdy ýshyqtyryp, tynyshtyqty buzǵysy kelgender jazalanady.
«Elde úshinshi revolıýtsııa bolmaıdy», - dedi A.Atambaev. Sondaı-aq, ol halqynyń qoldaý bildiretininen úmittenetinin atap ótti.
«Gellap» amerıkalyq qoǵamdyq pikirdi zertteý ınstıtýtynyń deregine sáıkes, halyqtyń 77%-y memleket basshysyn qoldaıdy. Men qaı orynda bolsam da, halqym meniń daýysymdy estıtin bolady. Meni kórshi elderdiń prezıdentteri ekinshi ret saılanýǵa qanshama ret úgittedi. Men ornymda qalyp, bılikti óz qolyma alǵym kelse, basqasha referendým ótkizer edim», - dedi ol suraqtarǵa jaýap bere otyryp.
Sondaı-aq, ol saıasatker bolý úshin qandaı da bir qyzmetti ıelenýdiń mindetti emes ekendigin málimdedi.
