Almazbek Atambaev pnevmonııaǵa shaldyǵyp, abaqtydan aýrýhanaǵa aýystyryldy
BІShKEK. KABAR – QazAqparat – 29 maýsymda Qyrǵyzstannyń burynǵy prezıdenti Almazbek Atambaev densaýlyǵy nasharlaǵanyn aıtyp shaǵymdanǵannan keıin odan COVID-19 vırýsyna PTR-synama alyndy, dep habarlaıdy QazAqparat Kabar agenttigine silteme jasap.
Memlekettik ulttyq qaýipsizdik komıtetiniń málimetinshe, Atambaevtyń testi teris nátıje kórsetken. Sol kúni dárigerler onlaın konsılıým ótkizdi, sodan keıin oǵan «ekijaqty pnevmonııa» dıagnozy qoıyldy. Osyǵan baılanysty dárigerler konsılıýmy A.Atambaevty statsıonarlyq em qabyldaý úshin aýrýhanaǵa kóshirý týraly sheshimi qabyldady.
Aıta keteıik, baılanysty azaıtý jáne koronavırýs taralmas úshin komıtettiń tergeý ızolıatorynda fızıkalyq baılanysty qospaǵanda, kezdesýler men qabyldaýdy áınek qorshaý arqyly ótkizý usynyldy.
Vedomstvo habarlaǵandaı, ótken aptada Atambaev advokattarmen jáne týystarymen birneshe ret kezdesip, qujattar men zattardy qolymen tapsyrǵan.
Eske sala keteıik, jýyrda Qyrǵyzstannyń eks-prezıdenti Almazbek Atambaev 11 jylǵa sottalǵan bolatyn.
