Almazbek Atambaev: Qyrǵyzstannyń syrtqy jáne ishki kúshteri eldi quldyratýǵa belsendi áreket etip júr
BІShKEK. 25 qańtar. QazAqparat - Senbi kúni Qyrǵyzstannyń memlekettik rezıdentsııasynda ótken saltanatty shara barysynda eldiń 2013 jylǵy damý qorytyndylary týraly baıandamasynda prezıdent Almazbek Atambaev memlekettiń egemendigine qaýip tóndiretin syrtqy jáne ishki kúshterdiń bar ekendigin atap ótti.
«Kóptegen syrtqy kúshter elimizdi quldyratýǵa múddeli. Elimiz qıyn kúnderdi bastan keshirip jatyr. Óz oılaryn júzege asyrý úshin memleketti qulatýǵa múddeli ishki kúshter de belsene áreket jasaýda», - dep málimdedi qyrǵyz eliniń basshysy.
Sondaı-aq Atambaev osyndaı qıyndyqtar men qaýip-qaterlerge qaramastan, 2013 jyly eldegi ishki jalpy ónim kórsetkishteri men basqa da faktorlar Qyrǵyzstannyń reformalarǵa qaraı bet buryp, táýelsizdikke qulash jaıyp kele jatqanyn atap ótti.
Budan buryn habarlaǵanymyzdaı, Qyrǵyzstannyń memlekettik rezıdentsııasynda qyrǵyz basshysy ekonomıkanyń túrli salalarynyń qyzmetkerlerin, belgili sportshylar men mádenıet qaıratkerlerin respýblıkanyń áleýmettik-ekonomıkalyq, ıntellektýaldyq jáne rýhanı áleýetin damytýǵa zor úles qosqandary úshin saltanatty túrde marapattaǵan edi.
