Almazbek Atambaev bas bostandyǵynan aıyrý jazasyna kesildi

BІShKEK. KAZINFORM — Bishkektiń Pervomaıskıı aýdandyq soty Qyrǵyzstannyń eks-prezıdenti Almazbek Atambaevty 2019 jyldyń tamyzynda Qoı-Tash oqıǵasyna baılanysty múlkin tárkilep, memlekettik nagradalarynan aıyrý arqyly 11 jyl 6 aıǵa bas bostandyǵynan aıyrýǵa syrttaı úkim shyǵardy, dep habarlaıdy Kazinform tilshisi.

Jergilikti BAQ habarlaýynsha, is boıynsha basqa aıyptalýshylar, sonyń ishinde burynǵy depýtattar men sheneýnikterge qatysty kelesi úkimder shyǵaryldy: 

•  Ravshan Jeenbekov pen Farıd Nııazovqa — 7 jyl 8 aıǵa bas bostandyǵynan aıyrý, sot zalynda qamaýǵa alyndy;
• Irına Karamýshkına — 7 jyl 6 aıǵa bas bostandyǵynan aıyrý, sot zalynda qamaýǵa alyndy;
• Farhad Baabıev — 5 jyl 6 aı, sot zalynda qamaýǵa alyndy; 
• Qanat Saǵymbaev, Meerbek Mıskembaev, Qanat Osmonalıev, Qundyz Joldýbaeva — árqaısysyna 5 jyl probatsııalyq qadaǵalaý; 
• Ásel Kodýranova, Amangeldi Kakebaev, Noorýz Qaparbek ýýly jáne Marat Shamenov — árqaısysyna 3 jyl probatsııalyq qadaǵalaý; 
• Isabek Ábdiǵazıev, Abdýlda Sýranchıev, Torohan Tynymseıitov, ıÝrıı Vasılev — is boıynsha eskirý merziminiń ótýine baılanysty jazasyz qaldyryldy; 
• Asqarbek Shadıev múlki tárkilenip, 3 jyl memlekettik qyzmette jumys isteýge tyıym salynyp, 15 jyl 6 aıǵa bas bostandyǵynan aıyryldy.
• Sot sondaı-aq A.Atambaev pen A.Shadıevti árqaısysyna 5 mlrd 439 mln som tóleýge mindettedi.

Buǵan deıin habarlanǵandaı, memlekettik aıyptaý Qyrǵyzstannyń burynǵy prezıdenti A.Atambaevty 11 jylǵa bas bostandyǵynan aıyrýdy suraǵan. 

Eske sala ketsek, 2019 jyldyń 7 tamyzynda Qyrǵyz Respýblıkasynyń memlekettik ulttyq qaýipsizdik komıtetiniń arnaıy jasaq mamandary burynǵy prezıdent Almazbek Atambaevty ustaý operatsııasyn júrgizdi. 

Alaıda, oqıǵaǵa Atambaevtyń jaqtastary aralasyp, arnaıy jasaqty onyń úıine kirgizbegen. Atambaevty ustaý úshin ekinshi ret áreket jasaǵan kezde, jappaı tártipsizdikter bastalǵan. Qaqtyǵysta adam shyǵyny bolǵan.

Budan tys, qyryqtan astam adam zardap shekken.