Almaz Sharman: Vaktsınalanǵandar úlesi 80% jetkenshe karantındi jeńildetýge bolmaıdy

NUR-SULTAN. QazAqparat – Profılaktıkalyq medıtsına akademııasynyń prezıdenti, Amerıka densaýlyq saqtaý qaýymdastyǵynyń múshesi Almaz Sharman Qazaqstanda karantındik shekteýlerdi jeńildetý múmkindigi týraly pikir bildirdi, dep habarlaıdy QazAqparat tilshisi.

«Karantın sharalaryn jeńildetse, vaktsınatsııa protsesi jańa, vaktsınaǵa tózimdi nusqalardyń, ıaǵnı juǵý qaýpi joǵary koronavırýs shtamdarynyń paıda bolýyna ákelýi múmkin. Vırýs tıimdi vaktsınalar paıda bolǵanda selektsııalyq qysymǵa ısylaı ıkemdeledi. Budan shyǵatyn qorytyndy, azamattardyń basym kópshiligi shamamen 80% vaktsına alǵanǵa deıin karantındik sharalardy álsiretýge bolmaıdy», - deıdi sarapshy.

Onyń paıymynsha, ujymdyq ımmýnıtet qalyptaspasa, únemi jańa tolqyndarmen, jańa indettermen kúresýge májbúr bolamyz.

«Vaktsınatsııasyz biz únemi qatań karantın jaǵdaıynda ómir súretinimizdi túsiný mańyzdy. Epıdemııaǵa qarsy sharalardyń álsireýi koronavırýsqa qarsy qajetti ekpeni alǵannan keıin ǵana qoldanylýy kerek. Biraq, ókinishke oraı, Qazaqstan azamattarynyń 80% vaktsınanyń qajetti dozasyn almaǵan», - dep tolyqtyrdy Almaz Sharman.