Almaz Ydyrysov Ulytaý oblysy ákiminiń birinshi orynbasary bolyp taǵaıyndaldy
ULYTAÝ. KAZINFORM - Óńirde oblystyń negizgi damý baǵyttaryn úılestiretin jańa basshy taǵaıyndaldy. Bul qyzmetke ınfraqurylym, qurylys jáne memlekettik basqarý salalarynda kóp jyldyq tájirıbesi bar maman keldi.
Almaz Serikboluly Ydyrysov 1983 jyly týǵan. Qaraǵandy memlekettik tehnıkalyq ýnıversıtetin támamdaǵan.
Eńbek jolyn «Remstroı servıs-AS» JShS-de jol jumysshysy bolyp bastaǵan. 2005–2006 jyldary «Qazaqavtojol» RMK óndiristik-tehnıkalyq bóliminiń jetekshi mamany qyzmetin atqardy.
Keıingi jyldary memlekettik basqarý júıesinde túrli laýazymdarda jumys istedi. 2006–2014 jyldary QR Kólik jáne kommýnıkatsııalar mınıstrliginde bas maman, bas sarapshy jáne basshylyq qyzmetterdi atqardy.
2014–2016 jyldary «QazAvtoJol» UK» AQ Soltústik Qazaqstan oblystyq fılıaly dırektorynyń orynbasary boldy. Odan keıin QR Investıtsııalar jáne damý mınıstrliginiń Ákimshilik jumys departamentin basqardy.
2017–2019 jyldary QR Investıtsııalar jáne damý mınıstrligi Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary qyzmetin atqardy. Sonymen qatar QR Bas memlekettik qurylys ınspektorynyń orynbasary mindetin oryndady.
2019–2022 jyldary QR Indýstrııa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary, keıin tóraǵasy boldy.
2022–2023 jyldary Almaz Ydyrysov QR Indýstrııa jáne ınfraqurylymdyq damý vıtse-mınıstri qyzmetin atqardy.
2023 jyldan bastap qazirgi taǵaıyndaýyna deıin Ulytaý oblysy ákiminiń orynbasary bolyp jumys istedi. Endi ol óńirdegi qyzmetin oblys ákiminiń birinshi orynbasary laýazymynda jalǵastyrady.
Aıta keteıik, buǵan deıin Qýanysh Baqytulynyń 2026 jylǵy 16 maýsymnan bastap Almaty oblysy ákiminiń orynbasary qyzmetine taǵaıyndalǵany habarlanǵan bolatyn.
