«Almatynyń jyl muǵalimi-2011» qalalyq baıqaýy bastaldy

Atalmysh sharanyń ashylýyna oraı Oqýshylar saraıynda saltanatty kesh ótti.

Esterińizge sala ketsek, bul baıqaý 2005 jyldan beri qala ákimdiginiń qoldaýymen ótkizilip keledi.

Bıylǵy baıqaýǵa 78 muǵalim qatysady. Olardyń 53-i qazaq tili, 25-i orys tili pániniń ustazdary. Qala ákiminiń orynbasary Serik Seıdýmanovtyń tóraǵalyǵymen bilim basqarmasy, mektep muǵalimderi, óner qaıratkerleri men ǵalymdardan turatyn ádilqazylar alqasy eń úzdik muǵalimdi anyqtaıtyn bolady.

Bilim basqarmasynyń biliktilikti arttyrý ınstıtýty dırektorynyń orynbasary Raýshan Ahmetovanyń aıtýynsha, baıqaý tórt kezeńnen turady. «Úsh kezeńniń nátıjesi boıynsha eń úzdik degen muǵalimder aqtyq synǵa iriktelinip alynatyn bolady. Sońǵy kezeńde olar ashyq sabaq ótkizýden synǵa túsedi. Olarǵa eń kúrdeli talaptar qoıylady. Munda muǵalimderdiń kásibı sheberligi, tanymy, oı-órisi, balalarmen jumys isteý deńgeıi anyqtalady», -dedi ol. Al aqtyq syn 11 naýryzda ótedi.

Ótken jylǵy «Almatynyń jyl muǵalimi-2010» qalalyq baıqaýynyń jeńimpazy Alma Igilikovanyń paıymdaýynsha, atalmysh shara jas muǵalimderge óz qabiletin, kásibıligin kórsetýge múmkindik ashady.