Almatynyń joldary velojarystan Álem chempıonatyn ótkizýge óte qolaıly - A. Vınokýrov
ALMATY. QazAqparat - Almaty qalasynyń tas joldary velojarystan Álem chempıonatyn ótkizýge óte qolaıly. Bul týraly búgin Halyqaralyq «Almaty týry 2014» birkúndik tas joldyq velojarysy barysynda QazAqparat tilshisine «Astana» velokomandasynyń bas menedjeri, London Olımpıadasynyń chempıony, ataqty veloshabadoz Aleksandr Vınoýrov málimdedi.
Onyń aıtýynsha, «Almaty týry» velojarysyn kópkúndik etýge jáne tipti ońtústik astanada velojarystan Álem chempıonatyn ótkizýge múmkindik bar.
«Mysaly, biz taıaýda Ispanııada velojarystan ótken Álem birinshiliginen oraldyq. Jarys 60 myń ǵana halqy bar kishigirim qalashyqta ótti. Bir aptaǵa sozylatyn Álem birinshiligin solar ótkizip jatqanda bizge nege ótkizbeske!? Ol jaqta jarysty uıymdastyrý deńgeıi tómen boldy. Al búgingi jarys óte joǵary deńgeıde ótýde. Onyń sońǵy saǵatyn «Eýrosport» sporttyq teleanasy kórsetedi. Al Almatyda ár túrli velojarystardy ótkizýge trassalar jetkilikti. Mysaly jarysty Qapshaǵaı qalasynda bastap, Medeý muz aıdyny nemese Shymbulaq taý-shańǵy kesheninde aıaqtaýǵa bolady», - dedi A. Vınokýrov
Al, «Almaty týry 2014 » velojarysy odan ári jalǵasýda.
Ázirge alda «Astana Pro Team» komandasynyń veloshabandozy Dmıtrıı Grýzdev, «Qazaqstan» komandasynyń veloshabandozy Maqsat Aıazbaev jáne Rusvelo (Reseı) komandasynyń múshesi Ilnýr Zakarın keledi. Veloshabandozdar tórtinshi aınalymǵa shyqty. Negizgi top bes mınýttan asa ýaqyt artta keledi.
