Almatynyń jol saqshylary «Jol qozǵalysy qaýipsizdigi» atty aldyn alý is-sharalaryn ótkizýde
ALMATY. Qarashanyń 2-si. QazAqparat /Názıra Eleýhan/ - Almatynyń jol saqshylary QR Іshki ister mınıstriniń nusqaýymen «Jol qozǵalysy qaýipsizdigi» atty aldyn alý is-sharalaryn ótkizýde,
dep habarlaıdy QazAqparat qalalyq ishki ister departamentiniń baspasóz qyzmetine silteme jasap.
«Atalmysh aktsııa jol qozǵalysy erejeleriniń barlyq buzýshylyqtaryn anyqtaý men aldyn alýǵa baǵyttalǵan. Osy kúnderi jol polıtsııasynyń tolyqtaı jeke quramy kúsheıtilgen túrde qyzmet atqaratyn bolady. Aptalyq ótkizýdiń basty maqsaty - jol qozǵalysy tártipterin, sonyń ishinde óreskel bolyp tabylatyn - jyldamdyqty asyrý, qarama-qarsy baǵyttaǵy jolǵa shyǵý, qaýipsizdik beldikterin taqpaý, qozǵalys kezinde uıaly telefonmen sóılesý sııaqty zań buzýshylyqtar qamtylyp, jol qozǵalysy erejeleriniń basqa da zań buzýshylyqtary qatań nazarǵa alynady», deıdi ІІD baspasóz qyzmeti.
Aptalyqtyń birinshi túniniń ishinde polıtsııa qyzmetkerleri eki jarym myńnan asa jol erejesin buzýshylardy ustaǵan. Onyń ishinde ishimdikti paıdalanǵan - 125, qarsy baǵytta jolǵa shyqqan 78, qaýipsizdik belbeýin taqpaǵan - 199 júrgizýshi, kýáliksiz 87 júrgizýshi bar. Aldyn alý is-sharasynyń nátıjesinde 205 avtokólik arnaıy aıyppul turaǵyna qoıylǵan.
Sondaı-aq is-shara aıasynda polıtseıler jolaýshylardy, avtokólikterdi, júk tasymaldaýdy júzege asyrý kezindegi qaýipsizdikti baqylaýǵa alyp, jaıaý júrginshilermen jasalatyn jol qozǵalysy erejelerin buzýshylyqtarǵa tosqaýyl jasalatyn bolady.
