Almatynyń jol polıtseıleri jol- kólik oqıǵasynyń azaıǵanyna qaramastan, jalpy jaǵdaıǵa alańdaýshylyq bildirýde

dep habarlaıdy QazAqparat ІІB baspasóz qyzmetine silteme jasap.

Statıstıka derekterine qarasaq, jyl basynan beri jol- kólik oqıǵalarynan jeti adam mert bolsa, 60-tan astamy túrli jaraqat alǵan. Tájirıbe men statıstıkaǵa kórsetkenindeı, negizinen jaıaý júrginshiler jol boıyndaǵy arnaıy belgilerge qaramaı, joldyń kez-kelgen jerinen ótý arqyly apatqa dushar bolady eken.

Sondaı oqıǵanyń biri Almatydaǵy Alataý aýdanynda keshke qaraı oryn alǵan. «Kókqaınar» kentine qaraı ketip bara jatqan «Mersedes» avtokóligi jaıaý júrginshini qaǵyp ketken. Belgili bolǵandaı, zardap shekken er adam joldy belgilenbegen jerden qıyp ótken.

«Jaıaý júrginshi aýyr zaqym alǵan. 43 jasar almatylyqtyń ómirin saqtap qalý múmkin bolmady», deıdi jol polıtsııasy bastyǵynyń orynbasary, podpolkovnık Muhtar Amanbekov.

Dál osyndaı jol- kólik oqıǵasy Raıymbek dańǵylynyń boıynda oryn alǵan. «BMV» avtokóliginiń júrgizýshisi 33 jasar jigitti qaǵyp ketken. Zardap shekken azamat túrli jaraqatpen 4-shi qalalyq klınıkalyq aýrýhanaǵa jetkizilgen.