Almatynyń jerasty joldary qalaı ózgerdi?
ALMATY. QazAqparat - Almatyda barlyq jerasty ótpeli joldaryn kúrdeli jóndeýden ótkizý jumystary aıaqtalyp qaldy, dep habarlaıdy QazAqparat tilshisi.
Qala ákimi Baýyrjan Baıbek jańarǵan jerasty ótpeli joldaryn qarap shyqty.
Qazir jerasty dálizderinde dıodty jaryq kózderi men qozǵalys qurylǵylary, dybys dınamıkalary ornatylǵan. Ótpeli joldardyń tóbeleri arnaıy janbaıtyn materıaldardan jasalsa, qabyrǵalary ashyq ádemi sýrettermen bezendirilgen.
Ulttyq kitaphana janyndaǵy Abaı men Abylaıhannyń burylysyndaǵy jerasty ótpeli joldyń qabyrǵalaryna qazaq aqyny jáne aǵartýshysy Abaı Qunanbaevtyń naqyl sózderi jazylǵan.
Respýblıka Saraıyna qarsy ornalasqan jerasty ótpeli joldyń qabyrǵasynda «Jeti qazyna» atty qazaq kóshpendisiniń jeti baılyǵy kórinis tapqan.
«Qaýipsiz qala» baǵyty aıasynda jerasty ótpeli jolǵa jańa sıpattaǵy birneshe vıdeokameralar ornatylǵan. Jańa kameralar adamnyń júzin anyqtaýǵa múmkindik beredi.
Ákim Baýyrjan Baıbek qala turǵyndarynan sál shydamdylyq tanytýdy surady.
«Bıyl 160-tan astam kóshe jóndeýden ótti, 600-den astam aýla abattandyrylady. Qalanyń tarıhı ortalyǵy modernızatsııalanýda. Tek sońǵy jyly ǵana 800 shaqyrym ınjenerlik jeli jańardy. Árıne, jóndeý jumystarynyń qala turǵyndaryna jaısyzdyq týdyrýy múmkin. Men olardan sál ǵana shydamdylyq tanytýdy ótinemin. Kóshelerge rekonstrýktsııa júrgizý kezinde qurylys erejesin saqtamaǵan birqatar iri qurylys uıymdary aıyppul tóledi. Barlyq jumystar sapaly ári qysqa merzimde aıaqtalady. Keıin osy qurylys kompanııalary «qurylys mádenıetin» ıgerip, jóndeý jumystaryn qala turǵyndaryna esh kedergisiz júrgizetin bolady», - dedi Baýyrjan Baıbek.
