Almatynyń jedel járdem qyzmetin modernızatsııalaý máselesi talqylandy
ALMATY. QazAqparat – Almaty ákiminiń orynbasary Erjan Babaqumarov KazMedConsult kompanııasynyń dırektory Kevın Frıkpen jedel medıtsınalyq kómek qyzmetin modernızatsııalaý máselelerin talqylady, dep habarlaıdy QazAqparat tilshisi.
Jedel járdemdi modernızatsııalaý jobasy medıtsınalyq kómek kórsetýge halyqaralyq standartty engizýdi jobalaıdy. Budan ózge, dıspetcherlik qyzmetti modernızatsııalaý, sonymen qatar saraptama men Big data óndeýiniń negizinde protsestiń sapasyn arttyrý quraldaryn qoldaný jaıy talqylandy.
Jedel qyzmetti modernızatsııalaý aýrýhanaǵa jatqyzýdan bastap emdeýge deıingi kezeńderdegi medıtsınalyq qyzmettiń sapasyn arttyrýǵa múmkindik beredi.
«Sapaly medıtsınalyq qyzmetter – Almatyny damytýdaǵy negizgi basymdyqtardyń biri. Qala ákimi Baqytjan Saǵyntaev bul máselege erekshe nazar aýdarady. Onyń tapsyrmasy boıynsha biz barlyq medıtsınalyq mekemelerge aýdıt júrgizdik, nátıjesinde qala aýrýhanalary men emhanalarynyń joǵary núkteli quraldarmen jabdyqtalýy 60% jýyq ekeni anyqtaldy», — deıdi Erjan Babaqumarov.
Sonymen qatar, ol 2022 jyldyń sońyna deıin qala medmekemeleriniń jabdyqtalýy kem degende 90% quraıtynyn atap ótti.
Kevın Frıktiń densaýlyq saqtaý salasynda, konstaltıngte, strategııalyq damýda jáne bıznesti damytýda kópjyldyq menedjerlik tájirıbesi bar.
