Almatynyń jedel járdem qyzmeti kúzgi-qysqy kezeńge daıyn ekendigin málim etti
ALMATY. QazAqparat – Almaty qalalyq Qoǵamdyq densaýlyq saqtaý basqarmasy qalalyq jedel járdem qyzmetiniń kúzgi-qysqy kezeńge daıyndyǵy týraly aıtty, dep habarlaıdy QazAqparat tilshisi.
«Qalanyń jedel medıtsınalyq járdem qyzmeti kúzgi-qysqy kezeńge daıyn. Bizdiń boljaýymyzsha, qazirgi múmkindikpen ekinshi kezeń bastalǵan shaqta táýligine 9 myńnan astam ótinishti qabyldap, táýligine 500-ge deıin patsıentti aýrýhanaǵa jatqyza alamyz. Kúndelikti jedel járdem brıgadalary men dıspetcherlerdiń ártúrli aýyrlyqtaǵy jaǵdaılardy modeldeý syndy joǵary daıyndyq rejıminde oqý-jattyǵý ótkiziledi», - dedi Kamaljan Nadyrov.
Onyń aıtýynsha, jedel járdem jumysynda epıdemıologııalyq jaǵdaıdyń turaqtanýynyń nátıjesinde júktemeniń azaıǵany baıqalady.
«Ótken aıda jedel járdemdi shaqyrtý sany táýligine 280 boldy, búginde 172. Birinshi-úshinshi sanat boıynsha shaqyrtý sany táýligine orta eseppen 1 500-den aspaıdy. Osy shaqyrtýlarda JRVI, pnevmonııa jáne koronavırýsqa qatysty ótinish sanynyń tómendegenin aıtqym keledi. Bul 8%-dan aspaıdy», - dep tolyqtyrdy ol.
