Almatynyń jedel járdem qyzmeti aýqymdy dıagnostıka jasaıtyn boldy
ALMATY. QazAqparat - Almatyda qalalyq Densaýlyq saqtaý basqarmasynyń keńeıtilgen alqaly otyrysynda Densaýlyq saqtaý salasynyń jedel járdem jumysyna engiziletin ınnovatsııalyq tehnologııalar týraly aıtyldy, dep habarlaıdy QazAqparat tilshisi.
«Almaty jedel járdem stansasynyń jumysyna ınnovatsııalyq ózgerister engizý josparda bar. Atap aıtqanda, Smart-medıtsına júıesi boıynsha jedel járdemmen kelgen dárigerler men feldsherler sol jerde aýqymdy dıagnostıka jasaıtyn bolady. ıAǵnı, sol jerde ÝZD apparatyna túsirip, qan kórsetkishterin tsıfrlyq taldaı alady. Bul aqparattyń bári medıtsınalyq mekemelerge ınternet arqyly jedel jetkiziletin bolady. Munyń arqasynda adamdy statsıonarǵa jetkizbeý jaǵdaıyn tolyq bilýge bolady», - dedi S.Mýsınov.
Basqarma basshysy Serikbol Mýsınovtyń aıtýynsha, medıtsınalyq jedel járdem stansasy qyzmetiniń kóptegen kórsetkishi jaqsardy. 103 brıgadalary jedeldik maqsatynda arnaıy gadjettermen qamtylatyn bolady.
«Endi jedel járdem stansasy táýligine orta eseppen 177 deıin qyzmet kórsete alady. Buryn bul kórsetkish 167-ge jetti. 1-3 jedeldik sanatyndaǵy shaqyrýlardyń úlesi 16,3-ten 16,1% deıin qysqardy. Jedeldiktiń 4-sanaty boıynsha 10,9-dan 9,1%-ǵa deıin qysqardy. Qalalyq jedel járdem stansasy avtoparkiniń 20%-i jańartýdy talap etedi. Al respýblkıa boıynsha bul kórsetkish 56% bolyp otyr», - dedi basqarma basshysy Serikbol Mýsınov.
Aıta ketý kerek, 2017 jyly qalalyq medıtsınalyq jedel járdem stantsııasy Jedel járdem brıgadalarynyń II-shi respýblıkalyq jarysynda jáne Lıtvada ótken medıtsınalyq jedel járdem brıgadalarynyń 11-shi Halyqaralyq jarysynda birinshi oryndy ıelengen bolatyn.
