Almatynyń jastary shaǵyn fýtboldan úzdikterdi anyqtady
ASTANA. QazAqparat - Almatyda sporttyq Almaty baǵdarlmasy aıasynda JOO stýdentteri arasynda shaǵyn fýtboldan jarys ótti, dep habarlaıdy QazAqparat.
Bul sporttyq is-shara Olja sport fýtbol alańdarynda 22 uldar men qyzdar komandalarynyń qatysýymen ótkizildi. Qyzdar arasynda bolǵan tartysty kezdesýlerdiń nátıjesi boıynsha úzdik bolyp QazAST stýdentteri atansa, KIMEP pen Abaı atyndaǵy QazUPÝ ekinshi jáne úshinshi orynǵa jaıǵasty. Al, uldar arasynda 16 ujym baq synasyp Abaı atyndaǵy QazUPÝ birinshi oryndy jeńip aldy. Q.Satpaev atyndaǵy QazUTZÝ men Súleıman Demırel atyndaǵy ýnıversıtet kúmis pen qola júldelerge ıe boldy.
«Bul jarys óte unady. Barlyq komandalar jaqsy dıyndyqpen kelgen. Biz jeńiske jetý úshin bar kúshimizdi salyp, degenimizge jettik. Rızamyz. Aldaǵy ýaqytta da ýnıversıtetimizdiń atyn kóptgen jarystarda qorǵaıtyn bolamyz» - dedi QazUPÝ stýdenti Muhtar Dáribaev.
Aıta ketý kerek, bul jarys jastardy salaýatty ómir saltyna beıimdeý, sondaı-aq úzdik komandalardy anyqtaý maqsatynda Olımpıada júıesine sáıkes uıymdastyrylǵan bolatyn.
