Almatynyń jas mamandary «aqyldy» jobalar usyndy

ALMATY. QazAqparat – Almaty Smart City Challenge birinshi qalalyq hakatonynyń 140 qatysýshysy qala úshin mańyzdy «aqyldy» jobalardy usyndy, dep habarlaıdy QazAqparat.

Bul týraly qala ákimi Baqytjan Saǵyntaev óziniń instagram-daǵy paraqshasynda jazdy

«Úsh komandanyń jumysy eń úzdik dep tanyldy. Atap aıtqanda, HCK50 komandasy týrısterge arnalǵan Salem Tourist jobasyn, GGG — qaldyqtarmen jumys isteıtin «Smart bin»-di, al Mbionics komandasy kólik nópirin retteıtin «Aqyldy turaq» jobasyn jasady. Barlyǵy 30-dan astam joba usynyldy»,- deıdi ákim. h

Sondaı-aq, aldaǵy ýaqytta zııatkerlik jobalarǵa qoldaý kórsetiledi.

«Zııatkerlik jobalar men utymdy qosymshalardy usynǵan komandalardyń jumystaryna qoldaý kórsetilmek. Biz «aqyldy» marafondy jyl saıyn ótkizý arqyly onyń qoldaný aıasyn keńeıtip, joba ázirleýshilerdi kóbirek tartamyz»,-dep jazdy B.Saǵyntaev.