Almatynyń jas ǵalymdary óz zertteýlerin jurtshylyqqa pash etpek
ASTANA. QazAqparat - 5 qarasha kúni QR Tuńǵysh Prezıdenti - Elbasy Qorynyń ǵımaratynda jas ǵalymdardyń Science Slam formatyndaǵy saıysy ótedi. Bul týraly atalǵan qordyń baspasóz qyzmetinen habarlady.
Aıta keterligi, Science Slam - ǵylymdy nasıhattaýdyń halyqaralyq jobasy. Ol birinshi ret 2006 jyly Germanııada júzege asyryldy. Bul ǵylymı aqparatty usynýdyń erekshe formaty - ǵalymdardyń saıysy bolyp tabylady. Olar sahnadan ózderiniń ǵylymı zertteýleri týraly qarapaıym tilmen aıtyp beredi.
Іs-shara beıresmı jaǵdaıda ótedi. 7 qatysýshy - barlyǵy da Almaty qalasy ýnıversıtetteriniń jáne ǵylymı-zertteý ınstıtýttarynyń magıstranttary men doktoranttary. Olar áleýmettaný, menedjment, aýyl sharýashylyǵy, aqparattyq tehnologııalar, ınjenerlik is salasyndaǵy ózderiniń zertteýleri týraly aıtyp beredi.
Úsh jeńimpaz ádilqazylardyń sheshimi boıynsha anyqtalady. Qatysýshylardy baǵalaǵan kezde ádilqazylar: kórermenderdiń durys jáne tolyq jaýap alýyn, qoshemetteý sanyn, qoıylǵan mindetterdi sheshý jolyn tańdaýdaǵy shyǵarmashylyq ádisin eskeredi.
Atalǵan is-sharany ótkizý maqsaty - otandyq ǵylymdy nasıhattaý, jurtshylyqty jas ǵalymdardyń eńbegine nazar aýdarý bolyp tabylady.
Qazaqstan Respýblıkasy Tuńǵysh Prezıdenti - Elbasynyń Qory 2000 jyly Qazaqstan Respýblıkasynyń Tuńǵysh Prezıdenti Nursultan Nazarbaevtyń sheshimimen qurylǵan kommertsııalyq emes uıym. Qor áleýmettik, qaıyrymdylyq, mádenıet, bilim berý jáne ózge de qoǵamdyq-saıası jobalardy júzege asyrady.
