Almatynyń jaryqsyz qalǵan aýdandarynda apat saldary joıyldy
ALMATY. QazAqparat - Almatynyń birneshe aýdanynda abonentter elektr energııasyna qaıta qosyldy, dep habarlaıdy QazAqparat tilshisi.
Búgin saǵat 17:45-te «Alataý jaryq kompanııasy» AQ jumys isteıtin aımaqta «KEGOC» AQ-nyń úsh jelisi (500 kVt) isten shyqqan edi.
Atalǵan jelilerde apat bolǵan. Júıe avtomatty túrde óship qalǵan. Sonyń saldarynan Almaty qalasy men oblysynyń keıbir aýdandarynda energııa berý toqtady.
«Jalpy alǵanda tutynýshylarǵa 460 MVt energııa berilmegen. Operatordyń buıryǵymen apattyq brıgadalar tehnıkalyq aqaýdy joıa bastady.
Saǵat 19.40-ta Almatydaǵy barlyq tutynýshylarǵa elektr energııasy berildi. Jóndeý jáne qalpyna keltirý jumystaryn «Alataý jaryq kompanııasy» AQ júrgizdi», - delingen habarlamada.
