Almatynyń jańa aýdanynda «Street Workout» alǵashqy sport alańy ashyldy

«Báıterek» ortalyǵy aýmaǵynda ornalasqan bul sport alańy QR Táýelsizdigi kúnine oraı ashyldy. Bul sharanyń basty maqsaty - jastardy salamatty ómir saltyn ustanýǵa jáne sportpen aınalysýǵa shaqyrý», - dedi Almaty q. jastar saıasaty máseleleri basqarmasynyń jetekshisi Marken Ahmetov.

Aıta ketelik, buǵan deıin dene shynyqtyrýdyń bir túri bolyp kelgen «Street Workout» - búginde sporttyń jańa túrine aınaldy dese de bolady. Onda jastar týrnıkte, qyrly bórenelerde jáne basqa da qondyrǵylarda ár túrli kúrdeli jattyǵýlar jasaıdy.

«Bul sporttyq qozǵalystyń qolǵa alynǵanyna kóp bolǵan joq. Alaıda, ol búginde búkil álem boıynsha qarqyndy damyp jatyr. Óıtkeni, ol óte qoljetimdi. Arnaıy alań men qajetti qondyrǵylar bolsa jetkilikti. Kez kelgen adam qalaǵan ýaqytynda kelip, tegin jattyǵa alady», - dedi M. Ahmetov.