Almatynyń jabylatyny týraly taraǵan aqparat jalǵan – ákimdik
ALMATY. QazAqparat –Áleýmettik jelilerde Almaty qalasynyń jabylatyny týraly taraǵan aqparat shyndyqqa janaspaıdy. Bul týraly qala ákimdigi janynan qurylǵan koronavırýstyń taralýyn boldyrmaý jónindegi komıssııa málim etti, dep habarlaıdy QazAqparat tilshisi.
Áleýmettik jeliler men messendjerlerde aǵymdaǵy jyldyń 30 maýsymy saǵat 00:00-den bastap belgilenbegen merzimge deıin qosymsha shekteý sharalaryn engizý, onyń ishinde iri saýda nysandarynyń jáne jaıaý júrginshiler aımaqtarynyń, saıabaqtardyń, skverlerdiń, qalaǵa kirip-shyǵatyn joldardyń jabylatyny týraly aqparat tarady.
Osyǵan baılanysty Almaty qalasynyń ákimdigi janynan qurylǵan koronavırýstyń taralýyn boldyrmaý jónindegi komıssııa atalǵan aqparattyń shyndyqqa sáıkes kelmeıtinin resmı túrde málim etti.
«Almatydaǵy koronavırýstyń taralýyn boldyrmaý jónindegi komıssııa qalanyń resmı derek kózderinde jarııalanǵan aqparatty ǵana qoldanýǵa shaqyrady. Sonymen birge, jalǵan aqparatty taratqany úshin jaýapkershilikke tartylatynyn eske salamyz»,– delingen habarlamada.
