Almatynyń «Zerdeli» yqshamaýdanynda 20 úıdiń irgetasy nyǵaıtylady

ALMATY. QazAqparat – «Zerdeli» yqshamaýdanynda ornalasqan 20 turǵyn úıdiń irgetasy nyǵaıtyldy. Bul týraly brıfıng barysynda Almaty ákiminiń orynbasary Muhıt Ázirbaev málim etti, dep habarlaıdy QazAqparat tilshisi.

Onyń aıtýynsha, 2014-2018 jyldary qurylǵan «Nurkent», «Zerdeli», «Jas Qanat» shaǵynaýdandarynda qala bıliginiń shuǵyl aralasýyn talap etetin birqatar problema boldy.

«Zerdeli» shaǵynaýdanynda turǵyn úılerdi nyǵaıtý jumystary júrip jatyr. Búginde 30 úıdiń 20-da jumystar aıaqtaldy, qalǵan úıler kelesi jyly nyǵaıtylady. Sondaı-aq aýla aýmaqtary abattandyrylady. Sonymen qatar Nurkenttegi úıler turǵyndarynyń ótinishi boıynsha 18 turǵyn úıdiń qasbetterin aǵymdaǵy jóndeý boıynsha jumystar júrgizilýde, olardyń 16-y búgingi kúni aıaqtaldy, 2 úı aıaqtalý satysynda»,- deıdi spıker.

Áleýmettik obektilerdi damytý jáne salý sheńberinde aýlaishilik keńistikte jer ýchaskesi satyp alynady jáne 320 oryndy balabaqsha salynady.

«Jas Qanat» shaǵynaýdanyndaǵy 30 aýlada balalar men sport alańdaryn jóndeý jáne ornatý jumystary júrgizilýde.