Almatynyń úzdik oqýshylary «Úrker» tósbelgisin ıelendi
ALMATY. QazAqparat - Búgin Almaty ákimi Ahmetjan Esimov halyqaralyq jáne respýblıkalyq olımıpıadalarda ozyq shyqqan 323 úzdik oqýshyǵa «Úrker» tósbelgisin tabystady.
Marapattalǵan oqýshylardyń ishinde ǵylym jáne óner salasyndaǵy dodalarǵa qatysyp, úzdik nátıje kórsetken 9-11 synyp oqýshylary boldy.
«Almatyda daryndy balalardyń sany artyp keledi. Almaty qalalyq komandasy bıyl respýblıkalyq pándik olımpıada men respýblıkalyq deńgeıdegi ǵylymı baıqaýlarda birinshi oryndy ıelendi», - dedi qala basshysy.
Qala basshysynyń aıtýynsha, 2014 jyl - Bilim jyly dep atalǵany tegin emes. Bıyl kóptegen bilim ordalarynyń materıaldyq jaǵdaıyn jaqsartýǵa basymdyq berilmek.
«Bıyl birneshe zamanaýı mektep salynady, kóptegen oqý oryndarynyń materıaldyq jaǵdaıy jaqsartylyp, qajetti qural-jabdyqtar alynady. Sondaı-aq bilim sapasyn arttyrý úshin birqatar sharalar júzege asyrylady», - dedi ol.
Shara barysynda qala basshysy sondaı-aq ozat oqýshylardyń ata-analary men oqytýshylaryna alǵyshattar men Qurmet gramotalaryn tabystady.
Aıta keteıik, «Úrker» tósbelgisi 2009 jyly bekitilgen. Alty jyl ishinde 1252 ozat oqýshy atalǵan belgige ıe bolǵan.
