Almatynyń úzdik oqýshylary «Úrker» belgisimen marapattaldy
/strong>Mamyrdyń 17-i. QazAqparat / Ádilet Musahaev / - Búgin Almatyda qala ákimi Ahmetjan Esimov ártúrli ıntellektýaldyq saıystar men konkýrstarda top jaryp júrgen 91 daryndy oqýshyny «Úrker - Almaty maqtanyshy» altyn belgisimen marapattady,
dep habarlaıdy QazAqparat.
A.Esimov respýblıkalyq jáne halyqaralyq deńgeıdegi saıystarda jeńiske jetken, bilim, ǵylym jáne óner jolynda ozyp shyqqan daryndy balalardy marapattaý saltanatyna qatysý barshamyz úshin maqtanysh ekenin aıta kele, jastarǵa bilim berip júrgen ustazdardy da quttyqtap ótti. «Tulǵa qalyptastyryp, álemdik órkenıetten erekshe oryn alatyn, urpaqtyń rýhanı jańaryp, jandanýyn qalaıtyn bilim ordalaryndaǵy Almaty qalasynyń ustazdary qashanda alda keledi. Bilim men ǵylym isinde birigip qımyldasaq, shyǵar shyńymyz árqashan bıik bolaryna eshkim shúbá keltirmes. Bolashaqqa bilimmen qadam basyp, laıyqty qoltańbamyzdy qaldyraıyq», dep atap ótti óz sózinde qala ákimi.
2009-2010 oqý jylynda 76 oqýshy respýblıkalyq olımpıadanyń jeńimpazy bolsa, 31-i ártúrli halyqaralyq olımpıada men konferentsııa, konkýrstan júldeger atanǵan.
Sondaı-aq kóptegen ıntellektýaldy saıystardyń jeńimpazdaryn daıyndap shyǵarǵan №173 gımnazııaǵa arnaıy ótpeli rámiz tartý etildi. Sonymen qatar daryndy balalarǵa bilim bergen muǵalimder men olardyń ata-analardy da maqtaý qaǵazdarymen atap ótildi.
