Almatynyń úsh shaǵynaýdanynda joldar qalpyna keltirilip jatyr
Almaty ákimi Baqytjan Saǵyntaev «Dýman», «Alataý» jáne «Kólsaı» shaǵyn aýdandarynda boldy.
Bul jerde qala turǵyndarynyń ótinishi boıynsha jol, sport nysandary jáne ınjenerlik kommýnıkatsııalar salynyp jatyr.
Medeý aýdanynda abattandyrý boıynsha júzege asyp jatqan aýqymdy jobalardyń biri sý qorǵaý jolaǵyn jáne Esentaı ózeniniń arnasyn sý bólgishten Jamaqaev kóshesine deıin rekonstrýktsııalaý.
Qala ákimi jaǵalaýlardyń jóndelgen jáne nyǵaıtylǵan ýchaskelerin, sondaı-aq ózen arnasynyń keńeıgen ári tereńdetilgen jerlerin aralap kórdi.
Jaıaý júrginshiler joly aralas jasalady, ıaǵnı keıbir bólikterge asfalt tóseledi, basqalary aǵashtan jasalady.
Baqytjan Saǵyntaev turǵyndarǵa barynsha yńǵaıly bolý úshin baspaldaqsyz jaıly ótpeli jol jasaýdy tapsyrdy.
Jalpy uzyndyǵy 4,2 shaqyrym bolatyn jaıaý júrginshiler aýmaǵynyń boıyna syrtqy jaryqtyń 350 baǵanasy men kishi sáýlet pishinderi ornatylady, qoqys jáshikteri, oryndyqtar qoıylady, munda balalardyń oıyn alańdary, jaıaý júrginshiler kópirleri men kórý palýbalary bolady.
Sanıtarlyq-gıgıenalyq qurylǵylar ornatý da qarastyrylǵan.
Qala ákiminiń tapsyrmasy boıynsha jańa Tereńqurǵa aınalatyn jaıaý júrginshiler aımaǵy abattandyrý jumystary aıaqtalǵan soń serýendeý úshin kezeń-kezeńmen ashylatyn bolady.
Dýman shaǵyn aýdanynda joldar jóndelip jatyr. Búginde uzyndyǵy 5,2 shaqyrym bolatyn 14 kóshege asfalt tóseý aıaqtaldy. Uzyndyǵy 22,2 shaqyry 39 kóshege asfalt tóseledi.
Qala ákimi Baqytjan Saǵyntaev «Almaty» telearnasyndaǵy Akimat LIVE baǵdarlamasynyń tikeleı efırinde Taırov kóshesiniń turǵyndary ótinish bildirgen kóshkin qaýpi paıda bolǵan jaǵdaımen de jiti tanysty.
Qala ákiminiń tapsyrmasy boıynsha jaqyn arada betkeıdi nyǵaıtý jumystary bastalady. Taırov kóshesiniń boıyna ornalasqan 72 úı turǵyndarynyń qaýipsizdigin qamtamasyz etý mindeti qoıyldy.
Almaty ákimi «ınnovatsııalyq tehnologııalyr parki» arnaıy ekonomıkalyq aımaǵynyń janyna ornalasqan Alataý shaǵyn aýdanyn damytýǵa erekshe nazar aýdardy.
Almaty ákiminiń tapsyrmasymen birinshi kezekte kúrdeli jóndeýdi qajet etetin aýrýhana ǵımaratyna saraptama júrgiziledi. Munda shaǵyn aýdannyń 10 myńnan astam turǵynyna medıtsınalyq qyzmet kórsetiledi.
Qala ákimi 1200 oqýshyǵa eseptelgen №7 mekteptiń ǵımaratyn kúrdeli jóndeý jumysynyń barysymen tanysty. Mektep jańa oqý jylyna deıin daıyn bolady.
«Bıýdjetke qatysý» aıasynda abattandyrý jumystary júrip jatqan Ardagerler alleıasyna barǵan ákimge jergilikti turǵyndar jasóspirimderge arnalǵan skeıt-park salýdy surady.
Aldaǵy ýaqytta bul másele zerdelenetin bolady.
Budan ózge, qala ákimi turǵyndardyń ótinishi boıynsha aýmaǵy jeke menshikke tıesili Uly Otan soǵysy ardagerleri skveriniń qazirgi jaǵdaıymen tanysty. Jer teliminiń ıesi saıabaqty abattandyrý jobasyn ázirleýge jáne ony usynýǵa nıet bildirdi.
Sondaı-aq, Baóytjan Saǵyntaev «Kólsaı» shaǵyn aýdanyndaǵy jalpy uzyndyǵy 15,1shaqyrym sýmen jabdyqtaý jáne sýdan burý jónindegi ınjenerlik jelilerdiń qurylys qarqynymen tanysty.
Búginde munda 14,5 shaqyrym jeli tartylǵan. Qurylys aıaqtalǵan soń jol jamylǵysyn qalpyna keltirý josparlanǵan.
Jumys saparynyń sońynda qala ákimi ál-Farabı dańǵyly boıymen Meńdiqulov kóshesinen Dostyq dańǵylyna deıin sozylǵan toǵyz qabatty 22 úıdiń qasbetterin aǵymdaǵy jóndeý jumystarynyń barysyn kórdi.
