Almatynyń úsh shaǵyn aýdanynda sý jáne káriz jelileriniń qurylysy bastalady
ALMATY. QazAqparat - Tamyzdyń ortasynda Almaty qalasynyń Naýryzbaı aýdanyndaǵy «Quramys», «Jaılaý» jáne «Taýjoly» shaǵyn eldi mekenderinde sý jáne káriz jelileriniń qurylysy bastalady, dep habarlaıdy QazAqparat tilshisi.
Almaty qalalyq Energotıimdilik jáne ınfraqurylymdyq damý basqarmasynyń bas mamany Nurlan Ómirhanovtyń aıtýynsha, jóndeý jumystarynyń jalpy uzyndyǵy shamamen 45 shaqyrymdy quraıdy.Onyń 25 km sý qubyry bolsa, qalǵan 20 km káriz jelileri. Nátıjesinde 2020 jyly, 20 myńǵa jýyq turǵyn sýmen qamtamasyz etiledi.
«2014 jyly Almatyǵa shamamen 23 shaǵyn aýdan qosyldy. Onyń 9-y Naýryzbaı aýdanyna tıesili. Qazir biz osy aýdandardaǵy máseleni sheshýge tyrysamyz. Joǵaryda atalǵan úsh aýdanda bir úıde orta eseppen 3-5 adam turady. Qazir onda eski sý qubyry bar. Biraq, jazda adamdar baqtaryn sýǵaratyndyqtan, sý tapshylyǵy máselesi ótkir bolyp tur. Mine, tamyzdyń ortasynan bastap ýchaskelerdi jóndeýge kirisemiz. Jóndeý jylytý maýsymyna deıin nemese qarashaǵa aıyna deıin sozylýy múmkin, biraq bul ýaqytta biz sýdy óshirmeımiz.Sonymen qatar,jańa jelilerdiń qurylysy júre beredi. Bul úshin bıýdjetten aqsha bólindi.Sondaı-aq, Aqjar, Kamenka jáne basqa da móltek aýdandar kezekte tur. Olardyń qurylysy qarjy bólingen kezde bastalady», - dedi Nurlan Ómirhanov.
Aıta keteıik, buǵan deıin Naýryzbaı aýdany ákiminiń orynbasary osy aımaqtyń 70 myńǵa jýyq turǵyny aýyz sýǵa muqtaj ekenin aıtqan bolatyn.
