Almatynyń úsh kóshesinde jańa jol belgileri qoıylyp jatyr
ALMATY. QazAqparat - Almatynyń úsh magıstraldy kóshesinde jańa jol belgileri ornatylyp jatyr, dep habarlaıdy QazAqparat tilshisi.
Bul týraly áleýmettik jelilerde jarııalana bastady.
Vıdeoda kórsetilgendeı ál-Farabı, Saın men Shyǵys aınalma joly kóshelerinde jolda jyldamdyq shektelip, soǵan sáıkes arnaıy belgiler ornatylyp jatyr.
Qalalyq quqyq qorǵaý organdary erteńnen bastap daıyndyq protsesi bastalatynyn aıtty.
Bul týraly polıtsııa aldyn ala qoǵamǵa habarlama jarııalaǵan bolatyn.
Aıta ketý kerek, Almaty polıtsııasy munyń aldynda 2019 jyldyń 15-qańtarynan bastap atalǵan magıstraldarda ortasha jol qozǵalysynyń jyldamdyǵy saǵatyna 80 kılometrden 60 kılometrge azaıatynyn aıtqan bolatyn.
Bul óz kezeginde qoǵamdyq kólikterdiń qozǵalysyn jeńildetip, jol apatynyń aldyn alýǵa yqpal etedi.
Polıtsııa taratqan málimetke sáıkes, álemdik tájirıbede jol júrý jyldamdyǵyn 5 paıyzǵa ǵana azaıtýdyń arqasynda jol apatynan bolatyn adam ólimin 10-20 paıyzǵa azaıtýǵa bolady.
