Almatynyń úsh aýdanynda sýyq sý bolmaıdy
ALMATY. QazAqparat – Almaty qalasynyń Medeý, Almaly, Jetisý aýdanyna qarasty birqatar turǵyn úıler men ózge de ǵımarattarǵa sýyq sý berý toqtatylady, dep habarlaıdy QazAqparat tilshisi. Bul týraly «Almaty sý» memlekettik kommýnaldyq kásiporny málim etti.
«29 naýryzda saǵat 9:00-den 14:00-ge deıin Medeý aımaǵynda Baıjanov - Qajymuqan - Nazarbaev kóshelerinde ornalasqan turǵyn úıler men basqa da nysandar sýyq sýdan ajyratylady»,– dep habarlaıdy «Almaty sý».
Sonymen qatar, 31 naýryz kúni tańǵy 9:00-den keshki saǵat 18:00-ge Almaly aýdanyna qarasty Qurmanǵazy - Shevchenko - Naýryzbaı batyr – Seıfýllın kóshesindegi úılerde sýyq sý bolmaıdy. Sáýirdiń biri kúni - Maqataev - Raıymbek - Jeltoqsan – Seıfýllın kóshesinde ornalasqan turǵyn úıler men basqa da nysandarǵa sýyq sý berý toqtatylady.
«1 sáýir kúni saǵat 9:00-den 18:00-ge deıin Jetisý aýdanynda ornalasqan Raıymbek - Seıfýllın – Tobaıaqov (Temirjol vokzaly) - Abylaı han kóshesiniń boıyndaǵy úıler men ákimshilik ǵımarattarǵa sýyq sý berý shekteledi»,– delingen habarlamada.
Sýdyń berilmeý sebebi jańa sý qubyry jelisiniń qosylýyna baılanysty. Densaýlyq saqtaý, bilim berý jáne ózge de áleýmettik sala ǵımarattaryna sý avtotsısternalarmen jetkiziledi.
