Almatynyń úsh aýdanynda sý bolmaıdy

ALMATY. QazAqparat – Almaty qalasynyń Medeý, Túrksib, Jetisý aýdanyna qarasty birqatar turǵyn úıler men ózge de ǵımarattar sýyq sýdan ajyratylady, dep habarlaıdy QazAqparat tilshisi. Bul týraly «Almaty sý» memlekettik kommýnaldyq kásiporny málim etti.

«26 tamyz kúni tańǵy saǵat 9:00-den keshki 20:00-ge deıin Medeý aýdanyndaǵy Ahýndov, Beıimbet, Bestýjev, Blok, Gýrılev, Qabilov, Qaratal, Klýbnaıa, Lısakovskıı, Mendeleev, Naberejnyı, Pogodın, Poletaev, Rýbtsovskıı, Sazanov, Sarybaı, Syrdarııa, Taırov,Táttibekov, Tıtov, Tıýlenına, Úshtóbe, Halıýlına, Chaplına, Şýchınsk, Ekibastuz kóshelerinde ornalasqan turǵyn úıler men basqa da nysandar sýyq sýdan ajyratylady»,– dep habarlaıdy «Almaty sý».

Sonymen qatar, 27 tamyz kúni Túrksib aýdanynda ornalasqan «Atyraý–1», «Nurshashqan» shaǵynaýdany, áýejaı mańyndaǵy úıler men Almaty oblysyna qarasty Besaǵash aýylynda sýyq sý bolmaıdy.

«27 tamyzda saǵat 9:00-den 20:00-ge deıin Jetisý aýdanynda ornalasqan «Aınabulaq-4» yqshamaýdanyń № 166, №194b turǵyn úıi men ákimshilik ǵımarattarǵa sýyq sý berý shekteledi»,– delingen habarlamada.

Áleýmettik nysandarǵa sý tapsyrys boıynsha syrttan jetkiziletin bolady.