Almatynyń ýchaskelik ınspektorlary ózderine bekitilgen aýmaqta turatyn bolady
Memleket basshysy Qazaqstan halqyna Joldaýynda ishki ister organdaryn reformalaýdy júzege asyrýda ýchaskelik polıtsııa ınspektorlarynyń jáne «polıtsııa jaqyn mańda» qaǵıdatynyń mańyzdy rólin atap ótken bolatyn.
«Memleket basshysynyń tapsyrmalaryn oryndaý maqsatynda biz ákimdikpen birlesip, ýchaskelik polıtsııa ınspektorlarynyń qyzmetin jetildirýdiń úshjyldyq josparyn jasadyq. Onda ýchaskelik polıtsııa pýnkteri úshin 51 jyljymaıtyn múlik nysanyn satyp alý jáne tolyq jabdyqtaý qarastyrylǵan. Onyń 16-sy turǵyn úımen biriktirilgen, sonyń ishinde ýchaskelik polıtsııa pýnkteri úshin jalǵa alynǵan 28 úıdi satyp alý bar. Osylaısha, ýchaskelik polıtsııa ınspektorlary ózderiniń qyzmet kórsetiletin ákimshilik aımaǵynda turatyn bolady – bul birinshi kezekte turǵyndarǵa yńǵaıly jáne polıtsııa qyzmetkeriniń jumysynyń tıimdiligine oń áser etedi. Qazirgi ýaqytta ákimniń bekitýine usyný úshin esepteýler júrgizilip jatyr. Sodan keıin jospardy iske asyrýǵa kirisemiz, – dedi Almaty qalalyq Polıtsııa departamentiniń bastyǵy Qanat Taımerdenov.
Jalpy, qalada qoǵamdyq tártipti qorǵaýǵa 550 myń patrýldik polıtsııa, QR ІІM Ulttyq ulanynyń 2 myńnan astam qyzmetkeri jumyldyrylǵan.
«Byltyr qoǵamdyq tártipti qorǵaý barysynda 164 qylmystyń beti ashyldy, 11 429 ákimshilik quqyq buzýshylyq anyqtaldy», – dedi Qanat Taımerdenov.
