Almatynyń Túrksib aýdanynda jańa poshta bólimshesi ashyldy
ALMATY. Naýryzdyń 1-i. QazAqparat /Erbol Azanbek/ - Búgin Almatynyń Túrksib aýdanynda № 38 nómirimen jańa poshtalyq baılanys bólimshesi ashyldy,
dep habarlaıdy QazAqparat.
Aýdan turǵyndary jańa bólimsheden poshtalyq hat-habar jóneltý, salyq, nesıe jáne basqa da tólemderdi tóleý, baspasózge jazylý, zeınetaqy, áleýmettik kómek alý qyzmetin júzege asyra alady.
"Qazposhta" AQ basqarma tóraǵasy Dáýren Moldaǵalıevtiń aıtýynsha, poshta baılanys bólimshesinen bastalady. «Bizdiń eń basty maqsatymyz elimizdiń árbir turǵynyna poshtalyq jáne qarjylyq qyzmetterdi paıdalanýyn qoljetimdi qylý. Jańa baılanys bólimshesi osy baǵyttaǵy jumystyń biri» deıdi D.Moldaǵalıev.
Ol sondaı-aq bıylǵy jyldyń almatylyq poshta qyzmetkerleri úshin erekshe ekenin aıtady. Óıtkeni qazan aıynda Almatyda eń alǵashqy poshta keńsesiniń ashylǵanyna 150 jyl tolady.
