Almatynyń Túrksib aýdanynda ystyq sý bolmaıdy
ALMATY. QazAqparat – Almatynyń Túrksib aýdanynda ornalasqan birneshe kóshede ystyq sý berý ýaqytsha toqtatylady, dep habarlaıdy QazAqparat tilshisi.
«Almaty jylý jelileri» JShS habarlaýynsha, 2021 jyldyń 12-16 shilde aralyǵynda Túrksib aýdanynda ornalasqan birneshe úı men ǵımaratta ystyq sý toqtatylady.
Ystyq sý myna kóshelerde bolmaıdy:
- Hmelnıtskıı – Kýıbyshev – Bakınskıı – Staroelevatorskaıa;
- Papanına – Erevanskaıa – Stalskogo – Súıinbaı;
- Kassına – Jumabaev – Behtereva – Sheremeteva.
Kompanııanyń málimetinshe, shekteýler qazandyqtardaǵy sý jylytý jabdyqtaryn jóndeý jumystaryna baılanysty engiziligen.
