Almatynyń Túrksib aýdanynda 82 kósheniń ataýy joq

ALMATY. QazAqparat – Almatynyń Túrksib aýdanynda ataýsyz 82 kóshe bar. Bul týraly Erbolat Dosaev aýdan turǵyndarymen kezdesýinde málim etti, dep habarlaıdy QazAqparat tilshisi.

Almaty ákimimen kezdesýge arnaıy kelgen turǵyndardyń biri ataýy joq kóshelerge qatysty máseleni kóterdi. «Qaırat» shaǵyn aýdanynda kóptegen kósheniń ataýy joq, soǵan ataý berile me?» - dep surady turǵyn.

Erbolat Dosaev ataýsyz kóshelerge kórnekti tulǵalardyń esimin berý máselesi keler jyly qarastyrylatynyn aıtty.

«Túrksib aýdanynda 82 kóshede ataý joq. Keler jyly qańtar aıynan bastap onomastıkalyq komıssııamen kelisip, ataýsyz kóshelerge kórnekti tulǵalardyń esimin berý máselesin qarastyramyz», - dedi ol.