Almatynyń Túrksib aýdanynda 144 kóshe jóndelgen

ALMATY. QazAqparat - Almaty qalasy Túrksib aýdanynyń ákimi Baqytjan Aqjarov onlaın brıfıng barysynda aýdanda atqarylǵan jumystar jaıynda baıandady, dep habarlaıdy QazAqparat tilshisi.

Onyń aıtýynsha, merdigerler jol qurylysy men kólik ınfraqurylymynyń sapasyn jaqsarta túsken.

Aldaǵy ýaqytta «Álmerek», «Qaırat» jáne «Nurshashqan» shaǵynaýdandarynda jańa joldar salynady.

«Álmerek» shaǵynaýdanynda uzyndyǵy 14,6 shaqyrym bolatyn 46 kóshede jańa asfalt tóseledi. «Qaırat» shaǵyn aýdanynda 29,3 shaqyrym bolatyn 78 kóshede jáne «Nurshashqan» shaǵyn aýdanynda uzyndyǵy 5,1 shaqyrym bolatyn 25 kóshede jańa asfal paıda bolady. Oǵan qosa aýdan boıynsha uzyndyǵy 13,5 shaqyrym bolatyn 20 kóshege ortasha jóndeý júrgiziledi», - dedi aýdan ákimi.

Mamyr aıynyń sońyna deıin T. Rysqulov dańǵylynda 4 shaqyrym trotýar salynady.

Sondaı-aq bıyl 12 ýchaskede trotýar salý josparlanǵan.

Qazir Buqtyrma - Qulja jol aıryǵynyń qurylysy júrip jatyr.

«Búginde 144 kóshe jóndelip, 6,1 myń sharshy metr asfalt tóseldi. 16 kóshede jumys jalǵasyp jatyr. Barlyq jóndeý jumysy tıisti qarqynmen júrgizilýde. Túrksib aýdanynda 37 kóshe boıynsha 81,5 km aryq bar. Búginde jasyl ekonomıka basqarmasy ázirlep jatqan JSQ boıynsha 125 kóshede 100 km aryq jelilerin salý qajet», - dedi Baqytjan Aqjarov.