Almatynyń turaqtandyrý qory qajetti dári-dármekpen tolyqty

ALMATY. QazAqparat - Almatynyń turaqtandyrý qory qajetti dárilik zattarmen tolyqty. Bólshek saýda jelilerine keminde 1,401 mln qorap dárilik zat jáne 7,85 mln medıtsınalyq maqsattaǵy buıymdardy satyp alý jáne jetkizý úshin dárilik zattardyń kóterme jetkizýshilerine 2,77 mlrd teńge bólindi, dep habarlaıdy QazAqparat tilshisi.

Bul rette farmatsevtıkalyq kompanııalar ózderiniń qoımalarynda 611 myń qaptama mólsherindegi dárilik zattardyń jáne 3,14 mln medıtsınalyq maqsattaǵy buıymdardyń azaıtylmaıtyn teńgerimin ustap otyrýǵa mindettenip otyr, ol tapshylyq týyndaǵan jaǵdaıda, qala dárihanalarynyń jelilerine, olardyń tapsyrystary boıynsha, satylýy tıis bolady.

Turaqtandyrý qorynyń sheńberinde farmatsevtıkalyq kompanııalar 309 myń dárilik zattardy jáne 4 575 myń medıtsınalyq maqsattaǵy buıymdardy jetkizdi.

Turaqtandyrý qorynyń azaıtylmaıtyn teńgerimi 261 myń dárilik zattardy jáne 3 136 myń medıtsınalyq maqsattaǵy buıymdar.

Jetkizýshilerdiń qoımalaryndaǵy barlyq dárilik zattardyń, bıologııalyq belsendi qospalardyń jáne medıtsınalyq maqsattaǵy buıymdardyń jalpy teńgerimi 15 478 myń.

Asa úlken suranysqa ıe preparattar (antıbıotıkter, vırýsqa qarsy jáne dene qyzýyn basatyn preparattar) jetkilikti kólemde qolda bar: 2022 jylǵy 10 qańtardan bastap, qala dárihanalaryna 2,5 mln dárilik zattar, bıologııalyq belsendi qospalar jáne medıtsınalyq maqsattaǵy buıymdar jetkizildi.

Koronavırýs ınfektsııasyn emdeýdegi suranysqa ıe preparattar barlyq dárihanalarda bar.

Turaqtandyrý qorynyń sheńberinde jetkizilimniń jalpy kólemi 59 dárilik zattardy jáne medıtsınalyq maqsattaǵy buıymdardy:

- antıbıotıkter (Azıtromıtsın, Levofloksatsın, Tsıprofloksatsın, Meropenem, Tseftrıakson, Tsefýroksım, Megasef, Moksıfloksats, Ofloksatsın) – 505 000 qaptamany;

- dene qyzýyn basatyn preparattar (Ibýfen, Intrafen, Ibýprofen, Paratsetamol, Nımesýlıd) – 176 100 qaptamany;

- vırýsqa qarsy preparattar (Bıdırem lıofılızat, Oseltamıvır, Rımantadın Ozon, Kagotsel) – 65 590 qaptamany;

- antıkoagýlıanttar (Geparın natrııa, Nadroparın Kaltsııa, Katenoks 6000antı-Ha, Katenoks 4000antı-Ha, Rıvaroks) – 42 000 qaptamany;

- antıreagentter (Aspırın Kardıo, Trombo ASS) – 32 000 qaptamany;

- vıtamınder (Askorbın qyshqyly, ınektsııaǵa arnalǵan eritindi) – 40 000 qaptamany;

- gormonaldyq preparattar (Prednızolon, Metıpred, Deksametazon, Pýlmıkort) – 221 000 qaptamany;

- ózge de preparattar (Glıýkoza 5% 200ml, Natrııa hlorıd 0,9%, Analgın, Ketotop, Magnııa sýlfat, Fýrosemıd, Famo, No-shpa jáne t.b.) – 319 200 qaptamany jáne;

- medıtsınalyq maqsattaǵy buıymdar (saýsaqtyq pýlsoksımetr, ınfýzııalyq eritindilerdi ınemen engizý júıesi, ınesi bar ınektsııalyq shprıts) – 7 848 000 dana.