Almatynyń Tótenshe jaǵdaılar departamenti taýdaǵy órt sebebin túsindirdi
ALMATY. QazAqparat - Almaty Tótenshe jaǵdaılar departamenti basshysynyń orynbasary Erlan Álibekov «Gorelnık» shatqalyndaǵy órt týraly túsinik berdi, dep habarlaıdy Qazaqparat tilshisi.
«Búgin «Gorelnık» shatqalynan joǵary Tıtov asýynan ońtústik batysta qurǵaq shı órtendi. Tilsiz jaý 30 sharshy metr bolatyn aýmaqty sharpydy. 2 shyrshany órt shaldy. Órt sóndirilmegen ottan tutanǵan sııakty. TJD qyzmetkerleri men orman ınspektorlary birigip, aınalany qazyp shyqty. Ormandy qaraýyldaýǵa orman kúzeti qaldy. Órt sóndirý protsesin baqylaý úshin Qazáýeormanqorǵaý mekemesiniń barlaýshy ushaǵy tartyldy», - dedi ol.
Onyń aıtýynsha, órt týraly habarlamany shatqaldan túsip kele jatqan týrıster habarlaǵan.
«Biz oqıǵa ornyna Іle Alataýy ulttyq parkiniń atty patrýl, ormanshylaryn jiberdik. Aýaǵa avıatsııa kóterdik. Qutqarý qyzmetiniń tikushaqtaryn daıyndadyq. Órtengen jer tym joǵaryda ornalasqandyqtan, ol jaqqa jaıaý patrýl jiberildi»,- dedi Erlan Álibekov.
Osyǵan baılanysty TJD ókilderi taýǵa shyqqanda ot jaǵýdy, temeki tuqylyn tastaýdy doǵarýdy eskertti
