Almatynyń tórt teatry Seýlde ótken «Jibek joly» festıvaline qatysyp keldi
Y. Jeltoqsannyń 1-i. QazAqparat / Ádilet Musahaev / - Almaty qalasynyń 4 teatry 17-27 qarasha kúnderi Seýl qalasynda ótken «Uly Jibek joly» atty halyqaralyq teatr festıvaline qatysyp keldi.
Bul jaıynda teatr basshylary búgin ótken baspasóz máslıhatynda málim etti, dep habarlaıdy QazAqparat.
Bul saparǵa M.Áýezov atyndaǵy Qazaq memlekettik akademııalyq drama teatry, M.Lermontov atyndaǵy memlekettik orys drama teatry, Respýblıkalyq koreı teatry jáne Ǵ.Músirepov atyndaǵy Qazaq memlekettik balar men jasóspirimder teatry barǵan.
Jıyn barysynda atalmysh teatrlardyń basshylary halyqaralyq óner dodasy jaıynda kórgen-bilgenderin, túıgen-túısingen oı-pikirlerimen bólisti.
M.Áýezov atyndaǵy Qazaq memlekettik akademııalyq drama teatrynyń kórkemdik jetekshisi Esmuhan Obaevtyń aıtýynsha, bul sapar óte mándi ári durys sheshim bolǵan. «Koreı halqynyń teatrǵa degen talǵamynyń joǵarylyǵy, qoıylym barysyn jan-tánimen berile qaraıtyndyǵy meni súısintti. Olardan kóp nárse úırenýimizge bolady, onda mamandardyń barlyǵy sheteldiń tanymal teatrlarynan tájirıbeden ótip, daıyndalady eken», deıdi E. Obaev. Sondaı-aq ol sahana bezendirý isi boıynsha jáne tehnıkalyq jaǵynan koreı teatrlary bizden anaǵurlym ozyq turǵanyn jetkizdi.
