Almatynyń taýly aımaqtarynda laı kóshkini júrýi múmkin
ALMATY. QazAqparat – Almatyda laı kóshkini júrý qaýpi bar, dep habarlaıdy QazAqparat tilshisi.
Ótken táýlikte tolassyz jaýǵan jańbyrǵa baılanysty jáne «Qazgıdromet» RMK dabyldy eskertý negizinde 19-22 mamyr aralaǵynda Almatynyń taýly aımaqtarynda laı kóshkini júrýi múmkin.
«Osyǵan baılanysty qalanyń taýly aýdandarynda turatyn turǵyndar sýmen jabdyqtaý jelileri men septıkalyq rezervýarlardy paıdalaný kezinde saq bolý qajet. Sýmen jabdyqtaý jelileri buzylsa, birden sý qurylǵysyn ajyratyp qajetti sharalardy qoldaný kerek. Laı kóshkini júrýi múmkin aýmaqta qazba jáne basqa jumystardy júrgizbeýge keńes beremiz», - dep habarlaıdy TJD baspasóz qyzmeti.
Bir aı buryn Almatyda taý bókteriniń bir bóligi opyrylyp túsken.
