Almatynyń taýly aımaqtarynda ekologııalyq kúzet uıymdastyryldy
ALMATY. QazAqparat – Almatyda respýblıkalyq «Taza Qazaqstan» ekologııalyq aktsııasy ótip jatyr, dep habarlaıdy QazAqparat tilshisi.
Mobıldi toptyń quramyna ekologııalyq polıtsııa qyzmetkerleri, Medeý aýdany ákiminiń janyndaǵy qorshaǵan ortany qorǵaý jáne ekologııa bóliminiń mamandary, ekologııa departamenti jáne qoǵam ókilderi kiredi.
«Mobıldi top «Taza Qazaqstan» aktsııasy aıasynda «Býtakovka» shatqalyna reıd júrgizdi. Nátıjesinde qoqysty jaǵyp jatqan Almaty qalasynyń turǵyny anyqtaldy. Ol óziniń zań buzǵandyǵyn birden moıyndady. Nátıjesinde, QR Ákimshilik quqyq buzýshylyq týraly kodeksiniń 505-baby boıynsha ákimshilik hattama jasaldy. Osy múmkindikti paıdalana otyryp, biz azamattardy tabıǵatty qorǵaýǵa jáne Qazaqstan Respýblıkasynyń ekologııalyq zańnamasyn qatań saqtaýǵa shaqyramyn», - dedi Medeý aýdandyq polıtsııa basqarmasy bastyǵynyń orynbasary Ulan Ábilqaıyr.
